Pois preyatz me, senhor

pages

Français

Documents

Écrit par
Bernard De Ventadour

Publié par
uctoo

Lire

Le téléchargement nécessite un accès à la bibliothèque YouScribe Tout savoir sur nos offres

pages

Français

Documents

Lire

Le téléchargement nécessite un accès à la bibliothèque YouScribe Tout savoir sur nos offres

Publié par

uctoo

Nombre de lectures

Langue

Français

Bernard de Ventadour — Pois preyatz me, senhor

Pois preyatz me, senhor ,
Qu’eu chan, eu chantarai!
E can cuit chantar, plor
A l’ora ...

Voir

Publié par

uctoo

Langue

Français

Bernard de Ventadour—Pois preyatz me, senhor

Pois preyatz me, senhor , Qu’eu chan, eu chantarai! E can cuit chantar, plor A l’ora c’o essai. Greu veiretz chantador, Be chan, si mal li vai. Vai me doncs mal d’amor Ans melhs que no fetz mai E doncs, per que m’esmai

Gran ben e gran onor Conosc que Deus me fai, Qu’eu am la belazor Et ilh me, qu’eu o sai. Mas eu sui sai, alhor, E no sai com l’estai So m’auci de dolor, Car ochaizo non ai De soven venir lai.

Empero tan me plai Can de leis me sove, Que qui.m crida ni.m brai, Eu no.n au nula re. Tan dousamen me trai La bela.l cor de se , Que tals ditz qu’eu sui sai, Et o cuid, et o cre, Que de sos olhs no.m ve.

Amors, e que.m farai Si garrai ja ab te Ara cuit qu’e.n morrai Del dezirer que.m ve, Si.lh bela lai on jai No m’aizis pres de se, Qu’eu la manei e bai Et estrenha vas me So cors blanc, gras e le .

Ges d’amar no.m recre Per mal ni per afan ! E can Deus m’i fai be, No.l refut ni.l soan. E can bes no m’ave, Sai be sofrir lo dan, C’a las oras cove C’om s’an entrelonhan Per melhs salhir enan.

Bona domna, merce Del vostre fin aman Mas jonchas, ab col cle, Vos m’autrei e.m coman. Qu’e.us pliu per bona fe C’anc re non amei tan . E si locs s’esdeve, Vos me fatz bel semblan, Que molt n’ai gran talan,

Mon Escuder e me Don Deus cor e talan C’amdui n’anem truan.

Et el en men ab se So don a plus talan, Et eu Mon Aziman.

Voir