Pel doutz chan que.l rossinhols fai

page

Français

Documents

Écrit par
Bernard De Ventadour

Publié par
chewyir

Lire

Le téléchargement nécessite un accès à la bibliothèque YouScribe Tout savoir sur nos offres

page

Français

Ebook

Lire

Le téléchargement nécessite un accès à la bibliothèque YouScribe Tout savoir sur nos offres

Publié par

chewyir

Nombre de lectures

Langue

Français

Bernard de Ventadour — Pel doutz chan que.l rossinhols fai

Pel doutz chan que.l rossinhols fai,
La noih can me sui adormitz,
Revelh de ...

Voir

Publié par

chewyir

Nombre de lectures

Langue

Français

Bernard de Ventadour—Pel doutz chan que.l rossinhols fai

Pel doutz chan que.l rossinhols fai, La noih can me sui adormitz, Revelh de joi totz esbaitz, D’amor pensius e cossirans! C’aisso es mos melher mesters, Que tostems ai joi volunters, Et ab joi comensa mos chans .

Qui sabia lo joi qu’eu ai, Que jois fos vezutz ni auzitz, Totz autre jois fora petitz Vas qu’eu tenc, que.l meus jois es grans. Tals se fai conhdes e parlers, Que.n cuid’ esser rics e sobrers De fin’ amor, qu’eu n’ai dos tans

Can eu remire so cors gai, Com es be faihz a totz chauzitz , Sa cortezi’ e sos bels ditz, Ja mos lauzars no m’er avans! C’obs m’i auri’ us ans enters, Si.n voli’ esser vertaders, Tan es cortez’ e ben estans.

Cil que cuidon qu’eu sia sai, No sabon ges com l’esperitz Es de leis privatz et aizitz, Si tot lo cors s’en es lonhans . Sapchatz, lo melher messatgers C’ai de leis, es mos cossirers, Que.m recorda sos bels semblans.

Domna, vostre sui e serai, Del vostre servizi garnitz. Vostr’ om sui juratz e plevitz , E vostre m’era des abans. E vos etz lo meus jois primers, E si seretz vos lo derrers, Tan com la vida m’er durans .

No sai coras mais vos veirai! Mas vau m’en iratz e maritz. Per vos me sui del rei partitz, E prec vos que no.m sia dans, Qu’e.us serai en cort prezenters Entre domnas e chavalers, Francs e doutz et umilians .

Huguet, mos cortes messatgers Chantatz ma chanso volonters A la reina dels Normans.

Voir