YOORO ( LA SECHERESSE )
3
pages
Fulah
Documents
2016
Le téléchargement nécessite un accès à la bibliothèque YouScribe Tout savoir sur nos offres
3
pages
Fulah
Documents
2016
Le téléchargement nécessite un accès à la bibliothèque YouScribe Tout savoir sur nos offres
lutte contre la désertification ,respectons les plantes et les végétations.
Voir
«TAAREE CUKKURI NGATI NGALU DULNDU KO NDIWRI E MBAROODI»
( YOORO )
« Ko Mbaroodi reeni Dulndu , Dulndu reeni Mbaroondi ».
Yooro hol fof ko addu ma ?
Miskineeɓe tampii mbooy kelle nguleyki ma ,
lorlii , ɗomɗii hokkere Jeeri e Waalo ma !
Kuɗi e lekɗe ɓolii , njoorii , haako nattii e ladde ma !
Ɓulɗi e boyli korii , ɓeeɓii ; hay waadere yiytetaake e leydi ma !
Gure pusii , yimɓe perii tawi fof ko woɗɗitaade bone ma !
Yooro mboɗo naamndii hol_ko addu m a ?
Addi mi ko yettin’de nelal geno fayde e ma !
Ustude bewre , helde ɓernde e waajaade Aduna ma !
Siiftin’de hanki nde njuuwam diwti darnde ma !
Maaje keewi e falnde ma !
Ilam naati yarni amooji ma !
Toɓo jur-jur e Jeeri ma !
Paabi keewiino kay samme e butaali ma !
Be’i (behi) , baali , na’i(nayi) ngonnoo ko e wasorde ma !
Barja , haaɗi_haaɗa , ɗiɗi e tati ko pedane sippooɓe kala subaka e yeeso ma !
Soko fof sabu bon’de ɓernde mbonnirɗaa junngo ma !
Ko hare ñiibi e jamanuuji adii ɓolde ladde ma !
Ko bonnooji pellaa , mbaraa ngam yo ɗi ngoɗɗito kolaaɗe ma !
Ñiibi tikkii , mbidii hay ngoota yiytetaake sara ma !
Keddiiɗi ɗi kuli mbirgii , eggii doŋre ma !
Fawtii heen ko hare pobbi mbiyɗaa ena connga na’i ma !
Mi haalaani waaño purtooje ɗe ladde ñammintu ma !
Gasaani kadi hare colli wiyeede ŋoñiima gawri ma !
Cabbuli ndulɓitiraa : cabbi , jale e jammbe ma !
Ɓoccooɗe pusaa , cofon e cirkooji mbaraa aɗa yiyra gite ma !
Colli ngeddii , ngoppii ladde e lekɗe ma !
Barooɗe mbaɗii batu yaltude e dogde dulndu ma !
Sabu lekki moƴɗi fu bahe_bahe roondiraama doŋle ma !
Hol_ko haɗata yooro arde tawde njurum alaa !
Jooni kadi teŋkere ɓuri famɗude soko mi addii !
Hay so laamu wallii !
Bommbooje bum_bum mbaɗii !
Teŋke ɓosaani nana ndarii !
So wonaa ɓerɗe nduttii ,
njurum e goonga lomtii ,
ñalɗi fof maa wood ko jippii !
Ngati kaawiis Allah ine heddii !
To woɗɗi toɓa , tuɗa tawa ɗo e Duunde ma yooro ine heddii !
Taaree cukkiri ngati ngalu dulndu ko ndiwri e mbaroondi !
